Agrupación de Concellos de Vilar de Barrio, Xunqueira de Ambía e Rairiz de Veiga

Programa de acción voluntaria que permite a valorización social e patrimonial dos Concellos de Vilar de Barrio, Xunqueira de Ambía e Rairiz de Veiga. De tal modo que se poña en valor o potencial intrínseco do voluntariado como eixo vertebral para o intercambio de experiencias no medio rural.
Os Concellos participantes neste programa están dotados de numerosas mostras dun rico pasado medieval. Moito deste patrimonio está situado fisicamente en paredes que actualmente son palleiras en desuso e mesmamente en casas rehabilitadas con dubidoso gusto arquitectónico. A través deste programa trátase de sensibilizar ás persoas voluntarias e a poboación en xeral, a través da realización dun rigoroso inventario en todas e cada unha das parroquias dos tres concellos. Unha vez realizado, incorporarase á relación de bens patrimoniais a conservar. Este inventario vai acompañado de fotografías, localización, réxime de propiedade, memoria explicativa da conservación e no seu caso historia recollida da memoria colectiva.