Fundación Ronsel

O municipio de Chantada presenta un entorno con numerosas oportunidades para o desenvolvemento empresarial e profesional, sen embargo, atópase con importantes desafíos polo avellentamento da poboación, a dispersión xeográfica e a necesidade de mellora de infraestrutura tecnolóxica e equilibrar o desenvolvemento económico, que requiren unha intervención específica na zona. As principais oportunidades e o interese social do proxecto, consistirían en:
– O desenvolvemento do tecido empresarial local e creación de emprego a través da mentorización. A mocidade poderá recibir orientación para desenvolver proxectos emprendedores e laborais, contribuíndo á dinamización económica e á creación de novas empresas en zonas rurais.
– O aproveitamento do talento local, a iniciativa permite que as persoas maiores con ampla experiencia profesional poidan compartir os seus coñecementos e habilidades, evitando a perda deste valioso recurso humano na comunidade.
– O fomento da cultura emprendedora, potenciando unha mentalidade emprendedora entre a mocidade nun contexto rural adaptado ás necesidades da zona.
– O reforzo das redes comunitarias, o voluntariado interxeracional pode fortalecer as relacións sociais e fomentar a solidariedade entre diferentes grupos de idade, creando unha comunidade máis cohesionada.
– A visibilidade e apoio ao rural: Este tipo de iniciativas poñen en valor o potencial do rural galego, destacando as súas oportunidades e atraendo recursos e atención cara as estas áreas que frecuentemente son menos visibles.